შემოდგომა გულგრილს არ ტოვებს ბათუმში მყოფ ფოტომოყვარულებს. ყოველწლიურად, სექტემბერის დასაწყისში (31.08 - 02.09) ბათუმში საერთაშორისო ფოტოფესტივალი „ოდესა-ბათუმი ფოტოდღეები“ იმართება. რამდენიმე დღის განმავლობაში ფოტოხელოვანებსა და ფოტომოყვარულებს საშუალება ეძლევათ გამოფენებს, ღამის ჩვენებებსა და მუსიკალურ პერფომანსებს დაესწრონ. ფესტივალზე, რომლის მთავარი თემაც ყოველწლიურად იცვლება, ფოტოები მსოფლიოს სხვადასხვა ქვეყნებიდანაა წარმოდგენილი.